Skrá Sjón

Seks spurningar um at vera menniskja er ein sendirøð um vinalag, um at hjálpa hvørjum øðrum tá á stendur, og um máttin í spæli. Og so er tað ein sendirøð við nógvum góðum temunnum.

Búi Dam hevur skrivað handrit og leikstjórnað og Dánjal á Neystabø hevur skrivað tónleikin og hjálparleikstjórnað.

Verloggfellan.
Enyo, Ito og Agaya detta niður í eitt gosop, men tveir villir dreingir - Poros og Monto - bjarga teimum. Dreingirnir siga teimum søguna um drongin, sum kann kalla á verloggin. Tá teir skilja, at Enyo er tann drongurin, taka teir Enyo og koma honum í vanda fyri at fáa verloggin at koma honum til hjálpar.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.
"Snipp snapp" er hvørt mikukvøld, hóskvøld og um vikuskiftið.

Syskin hava oftast eitt gott og týdningarmikið samband, sum tolir nógv, men tað kann eisini ganga heilt galið. Tvey kend systkinapør, Cecilia og Thomas Bodström og Claes og Katarina Hultling, siga frá sínum uppvøkstri. Hvør fekk uppmerksemið hjá foreldrunum?

Gleð teg til skemtið, sum fevnir um týdningarmestu persónar og hendingar í farna ári, tá Niels Olsen, Pernille Schrøder, Silas Holst, Merete Mærkedahl, Henrik Lykkegaard og Niels Ellegaard senda danskar politikarar, rák og danir sjálvar gjøgnum satirisku vindimaskinuna.
Framl.ár:2024

Herfyri hátíðarhelt Hjarnar sín 50 ára stovningardag við stórari konsert í Varpinum í Klaksvík.

Durita Viderø Gunnarsson er fysioterapeutur og ph.d.-lesandi á Heilsugranskingareindini í Sjúkrahúsverkinum og á Bispebjerg Hospital. Hon granskar í kropsligum virkni og stillsitandi atferð í sjúkrahúsumhvørvi, og hvussu tøkni kann brúkast sum amboð í hesum sambandi. Sjúklingar innlagdir á medisinskari sjúkrahúsdeild liggja flestu tímarnar um samdøgrið í
songini. Manglandi kropsliga virknið er sera vandamikið fyri einstaka sjúklingin, tí tað kann viðføra álvarsligar komplikatiónir. Í ph.d.-verkætlan síni er Durita Viderø Gunnarsson í ferð við at kanna, hvussu tøkni kann brúkast sum amboð hjá heilsustarvsfólki og sjúklingum til at minka um óvirknað atferð og økja um kropsligt virkni hjá innløgdum sjúklingum.

Áðrenn Amerikanska Borgarakríggið verður tann frælsi, litti familjumaðurin, Solomon Northup (Chiwetel Ejiofor), burturfluttur og seldur til trælahald á einum bummullsgarði í USA. Sum trælur hevur hann ongi rættindi, og 12 ár ganga við hørðum arbeiði og skiftandi eigarum, til hann sær sær ein møguleika at sleppa leysur. Filmurin byggir á veruleika og hevur vunnið bæði Oscar og Golden Globe sum besti filmur.
Leikarar: Solomon Northup: Chiwetel Ejiofor, William Ford: Benedict Cumberbatch og Edwin Epps: Michael Fassbender.
Bass: Brad Pitt. John Tibeats: Paul Dano. Theophilus Freeman: Paul Giamatti. Mary Epps: Sarah Paulson. Tibeats: Paul Dano. Patsey: Lupita Nyong´o. Hamilton: Taran Killam.
Handrit: John Ridley efter Solomon Northups bog
Leikstj.: Steve McQueen.
Uppr. h.: 12 Years a Slave.
Framl. ár: 2013.
(Óhóskandi fyri børn).