Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Grísapeppa og L fyri lomb.

Í 2. parti verður farið úr Skorastovu og
niðan á Koppenni, sum er hægsta fjall á Streymoynni. Síðan verður farið út á eggina, har hugt verður niður í stórbæru skorarnar. At enda verður steðgað við Kráir. Steingrím í Skálum sigur frá, og Símun Simonsen er ferðaleiðari.
Tikið upp og sett saman: Bjarnheðin í Hoyvík og Zacharias Hammer.

Sólin skínur og eitt lot er - góð líkindi til kornskurð og í ár er Frank væl nøgdur við úrtøkuna. Kastanjugarðurin fær vitjan úr Suðurkorea og Frank bjóðar heimagjørt kimchi.

Jesper og Jill.
Í 17 ár hevur Jesper havt gigt í rygginum. Hann hevur nógva pínu og tekur 600 mg pínustillandi heilivág tríggjar ferðir um dagin. Jesper eigur ein 2 ára gamlan son og næsta barnið er áveg, hann følir ikki, at hann orkar at vera ein rættur pápi at børnunum, tí pínan fyllir so nógv.
23 ára gamla Jill hevur PCOS, órógv í hormonunum, ið m.a. setur gitnaðarføri niður. Sjúkan versnar við einum ósunnum lívsstíli. Og tá ið Jill etur nógv sukur og nærum onki grønmeti, ber hon ótta fyri, at lívsstílurin ger, at hon ikki fær børn.
Jill og Jesper skulu í 12 vikur royna at eta og venja seg frískan, at hjálpa teimum er Piu Norup, lækni og Umahro Cadogan, føðsluserfrøðingur.
Luttakarar: Jesperm sum líður av gigt í rygginum og Jill, sum hevur PCOS.
Framleitt: Koncern TV- og Filmproduktion ApS.
Framleitt fyri: TV 2 DANMARK.
Framleiðsluár: 2018.

- Bertil Vallien - meistari í glasi.

Bertil Vallien er aljóða glasmeistari. Hann sigur frá um sína list, súmbolmál og um onnur listafólk, sum hann fær íbástur frá.

The Virtuoso (Anson Mount), ísakaldur leigudrápsmaður, fær eina óvanliga uppgávu: Hann skal gera av við ein annan leigudrápsmann. Einastu upplýsingar, hann hevur fingið, er ein ávís tíð og ein staður. Øllum hinum má hann sjálvur finna útav. Tá ið hann kemur til tann litla býin, har morðið skal fara fram, ivast hann, hvør man vera málið. Harafturat er hann komin í føvningin á eini servitrisu, tað kompliserar støðuna enn meira. Tað, ið skuldi verið ein einføld uppgáva, gerst eitt vandamikið spæl, har hann sjálvur er í vanda fyri at verða offur.

Leikandi: The Virtuoso: Anson Mount, servitrisa: Abbie Cornish og Mentor: Anthony Hopkins.
Framl.ár:2020
Aldursmark:15