Skrá Sjón

Fljóðljóð er kvinnukór, við 16 royndum sangarum, stovnað á heysti 2016.
Kórið syngur ymisk sløg av tónleiki, bæði klassiskt, sálmasang og aðrar norðurlendskar kórsatsir, umframt nýggjari lættan tónleik.

Kórleiðari er Súsanna Joensen.

Í hesi sendingini frá Channel 4 í Onglandi fylgja vit við, tá nakrir av dugnaligastu kondittarum gera kakur av serligum slag til krevjandi kundar.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Grísapeppa og L fyri lomb.

Stuttrøðin "Hjálpandi hondin" er um føroyska barnaheimið í Sierra Leone.
Nakrir ungir føroyingar við Paula Nolsøe á odda, tóku seg saman í 2003 at geva eina hjálpandi hond til børnini í Sierra Leone, sum í stórum tali vóru heim- og foreldraleys eftir ræðuliga borgarakríggið frá
1992 til 2003. Fólk vórðu dripin í 100.000 tali og limir skornir av.
Barnaheimið varð veruleiki til stóra hjálp fyri fleiri børn og bygdir í grannalagnum. Í 2010 varð ein vatnbrunnur gjørdur við barnaheimið, hann hevði stóran týdning fyri heimið og bygdina. Hetta varð gjørt við menningarhjálp úr Føroyum. Vit fylgja hesum arbeiði og hoyra sterkar søgur við myndum.

Zacharias Hammer hevur gjørt upptøkurnar og lagt til rættis.

Vigdís sigur søguna um íslendsku megnarkvinnuna Vigdís Finnbogadóttir - hennara sigrar og sorgir, óvissur og ivar - og djørvu avgerðina at stilla upp sum forsetavalevni í 1980, tá javnstøða enn var ein fjarskotin dreymur. Vigdís var kvinna, ung, støk mamma. Kortini gerst hon tann fyrsta kvinnan í søguni, ið verður vald til forseta.

Fleiri hundrað ára gamalt skipsvrak verður funnið út fyri havnina í Keypmannahavn. Longu frá teimum fyrstu kanningunum er greitt, at talan er um ein funnan grip. Men hvat slag av skipi er talan um, og hvat kann tað siga um søguna hjá Danmark? Fyri at finna svarið fer Cecilie Nielsen, søgufrøðingur, við fornfrøðingum frá víkingaskipasavninum í Roskilde, til havs - út á 13 metra dýpi, har útgrevsturin byrjar.

Ein familja - trý ættarlið - samlast eitt vikuskifti fyri at vera eina seinastu ferð saman við doyggjandi mammuni, Lily (Susan Sarandon). Men tá døturnar Jennifer (Kate Winslet) og Anna (Mia Wasikowska) koma, kemur gamalt agg til sjóndar. Ein amerikansk endurinnspæling av filminum hjá Bille August ´Stille hjerte´. Filmin leikstjórnaði Roger Michell (Notting Hill).
Leikarar: Lily: Susan Sarandon, Jennifer: Kate Winslet og Anna: Mia Wasikowska. Við eru eisini: Paul: Sam Neill. Liz: Lindsay Duncan. Michael: Rainn Wilson.
Leikrit: Christian Torpe.
Leikstjórnað: Roger Michell.
Framl.ár: 2019.
Aldursmark: 15 ár.