Skrá Sjón

8.partur 3.umfar:

Vimús teknar eitt skattakort, sum Vinus skal brúka. Hann finnur ymsar skattir. Eitt nú dettur ein bók niður av hillini. Og ein góð bók er ein dýrgripur. Hesa ferð er bókin um ein vilstan vin. Ein annar dýrgripur kann vera ein góður sangur um sjórænarar í Føroyum. Vinus og Vinurin spæla báðir upp á serlig ljóðføri, og syngja duga teir eisini. Sum í hinum pørtunum eru smáteknifilmarnir við.
Og Vinus má eisini tekna alt, sum er farið fram. Bæði skattakort og dýrgripir.
Og siga: Góðan morgun dag gott kvøld góða nátt ? og farvæl!

At brúka til skattaveiðu og fløskuspæl: Skattakort. Pappír. Blýant. Dýrgripir.

VIT hava verið í Fuglafjarðar skúla og filmað 11 nýggjar Snipp Snapp-sendingar. Børn, sum ganga í 2. flokki í Fuglafjarðar skúla eru vertir hvørt mikukvøld, til nýggi jólakalendarin Snæfall 2 byrjar í desembur. Í Snipp Snapp eru eisini 11 spildurnýggir partar av Labbaliðnum.

Rossamakrelurin gevur roynda fiskimanninum Geir avbjóðingar. Jarand gevst fyri hetta árið at royna á Raunefjord, men so fær hann eitt óvæntað tilboð. (8:8) Sesong 1.
Broadcast Company NRK

Mille býr saman við soni sínum í einari íbúð í Frederiksværk. Hvørja viku hjálpir hon nógvum familjum í felagsskapinum Madredderne. Nú er hon klár at lata hurðina upp og taka ímóti hjálp, so hon bæði kann geva sær sjálvari og syni sínum eitt heim við friði og plássi til at trívast.

Upprunaheiti: Vi drukner i rod
Framleiðsluár: 2026

Gjert Ingebrigtsen dámar væl at hava fólk rundan um seg, og honum dámar tað trygga. Hann og Monsen eru mótsetningar. Hvussu gongst, tá teir báðir fara eina krevjandi ferð?
Broadcast Company NRK

Føroyingar hava havt eina serliga drykkjumentan. Í 1907 var á fólkaatkvøðu samtykt at banna allari sølu og útskeinking av rúsdrekka í Føroyum. Hesin stongsulin stóð við í 85 ár. Einki annað land í vesturheiminum hevði so stranga rúsdrekkalóggávu. Frá 1908 til 1992 fekst ikki dropin til keyps í landinum uttan veikt føroyskt øl. Sterkari øl, brennivín og vín mátti bíleggjast úr útlondum. Skipanin var so mikið ólagalig, at bílagt var ofta í stórum. Av hesum stóðst mangan ótálmaður drykkjuskapur. Vóru menn í uppisetri, vóru góð ráð dýr. Nógvir seldu svart, men tað var ólógligt. Samstundis sum ráðini í 60-árunum batnaðu vaks rúsdrekkanýtslan í stórum. Serliga var tað hitt sterka ølið, sum føroyingar fóru at drekka. Í 1961 drukku føroyingar 175.000 litrar av øli, í 1969 540.000 litrar. Ølklubbar vórðu stovnaðir, men teir vóru bara fyri vaksnar menn. Ungdómurin rakst húsvillur í býnum. Eins og í forboðstíðini í USA í 20-unum vaks í Føroyum hesi árini fram stórur marknaður fyri ólógligari rúsdrekkasølu. Stórur forvinningur var hjá ídnastu svartabørssølumonnunum. Men teir spældu við eld, tí hetta var kriminelt virksemi. Í hesari fyrru sendingini um drykkjusiðir í Føroyum verður greitt frá allari tilgongdini fyri og eftir rúsdrekka- og útskeinkingarbannið í 1907, hvussu viðurskiftini broyttust komandi áratíggjuni, hvussu nýtslan og sølan á svarta marknaðinum vant upp á seg til politiið í 1973 gjørdi bart og fór í hernað móti tiltiknu svartabørsmonnunum í Kelduni í Havn.

Suni Merkistein og Hans Petur Hansen leggja til rættis.

Fyrst bygdu tey dreymahúsið. Nú er túrurin komin til havan. Sjónvarpsverturin Lene Beier og maður hennara, Anders, taka okkum við á teirra grønu ferð. Lene er tann, sum fær hugskotini, meðan Anders tekur sær av tí praktiska.

Familjan hevur eina freist: Havin skal verða liðugur, so systir Lene kann halda brúdleyp har!

Fleiri verkætlanir eru á skránni ? og so fer Lene eisini á eina lítla íblástursferð, har tað snýr seg um rósur, blómina hjá kærleikanum. Lene elskar rósur, men veit ikki, hvussu tær skulu røkjast og haldast við líka. Tí vitjar hon David Austin Roses í Onglandi.

Upprunatittul: Beier bygger have
Framleiðsluár: 2019

Missy og Alejandro (Amanda Seyfried, Ben Barnes) skulu giftast. Tá Alejandro, sum er ættleiddur, ætlar at bjóða konservativu, biologisku mammuni við í brúdleyp, biður hann fráskildu fosturforeldrini Don og Ellie (Robert De Niro, Diane Keaton) látast sum tey framvegis eru gift. Men klárar familjan at látast sum onki? Og hvat sigur núverandi unnustan hjá Don, Bebe (Susan Sarandon)?

Leikarar: Don Griffin: Robert De Niro, Bebe McBride: Susan Sarandon og Lyla Griffin: Katherine Heigl. Við eru eisini: Ellie Griffin: Diane Keaton. Missy O´Connor: Amanda Seyfried. Fader Monaghan: Robin Williams. Jared Griffin: Topher Grace. Alejandro Griffin: Ben Barnes.
Framl. ár: 2012