Skrá Sjón

Í Snipp snapp eru teknifilmar, ið eru ætlaðir yngru børnunum, hesa ferð m.a. Bláa og Labbaliðið.

"og í fjøllunum dýrasta grip"

Kolasølan í Føroyum er bæði aldargomul og spennandi. Staðarnøvn, sum vísa til kol, hava sín uppruna í fyrndar tíð og fyrstu ferð vit hoyra um kol, í skrivligum keldum, er tíðliga í 17. øld.

Ikki allar samrøður ganga líka lætt, tá ið bóndin Magnus skal á speed-date. Heima hjá Rasmusi flyta kvinnurnar inn, men tey mongu veiðutroféini falla ikki í góða jørð hjá øllum. Sofie vitjar bæði Jonathan og Charlotte fyri at hoyra, hvussu tað gongur við kærleikanum.

Upprunaheiti: Landmand søger kærlighed
Framleiðsluár: 2026

Martin vitjar Emiliu og ætlar sær at fiska í Dalarna, har stórir partar av vatninum verða gagnnýttir við kraftverkum og byrgingum, sum órógva natúrliga umhvørvið hjá fiskinum. Nú arbeiða áhugafelagsskapir og onnur fyri at fáa fiskinum tað natúrliga umhvørvið aftur.
Programmleiðarar: Martin Falklind og Emilie Björkman.
2. partur av 8
Broadcast Company SVT

Arkitektur, náttúra og pláss til eitt keramikverkstað eru í fokus, tá Camilla tekur Bente við á húsaveiðu í Norður­sælandi. Sara fer til Suðurfyn fyri at hjálpa Barbaru og døtrum hennara at finna eitt fast heim, og dreymar og fíggjarætlan krevja, at hugsað verður í kompromissum.

Framleiðsluár: 2026

Tá Emma (Alexandra Daddario) væntar, at flogfarið, har hon er umborð, fer at detta niður, fortelur hon øll síni loyndarmál fyri honum (Tyler Hoechlin), sum hon situr undir liðini á. Men flogfarið dettur ikki niður, og dagin eftir kemur hon eftir, at hesin sami maðurin eigur fyritøkuna, sum hon arbeiðir fyri. Hvat er nú til ráða at taka? Ein filmur við Alexandru Daddario úr ?Batwatch? og sjónvarpsrøðini ?White Lotus?.

Upprunah.: Can You Keep a Secret?
Við eru: Emma Corrigan: Alexandra Daddario, Jacko Harper: Tyler Hoechlin og Lissy: Sunita Mani.
Framl.ár: 2019
Aldursmark: 11