Plátubarrin

MAGNUM 3: Filmurin 'Dirty Dancing' og bólkurin 'Starlight'
30-03-2022
Elin Michelsen sá filmin 'Dirty Dancing' í Palads, tá filmurin var nýggjur, og mundi ikki fingið brosið av varrunum aftur. Fimmboði Lisberg var ein tónleikari í 'Starlight'.

'Starlight' var vælumtókt orkestur í Suðuroynni, sum spældi frá seint í hálvfjerðsunum og fram í fýrsini. Seinni stovnaði partur av manningini annan fýrsárabólk, 'Asbest', sum eisini hevði aktuell løg á skránni. Hesum greiðir Fimmboði Lisberg frá, eins og hann sigur frá váðaferðum hjá 'Starlight', sum um stutta tíð fer at spæla aftur.

Elin Michelsen gjørdi útvarpssending um 'Dirty Dancing' í 2017, tá filmurin var 30 ár. Í Magnum spæla vit millum annað brot úr tí sendingini, har ein gestur greiðir frá álvarseminum, ið býr undir tí, sum sýnist at vera ein glað filmsøga.

Í hesi sendingini verða tvey løg úr 'Dirty Dancing' spæld, og fýra løg verða eisini at hoyra, sum 'Starlight' og ´Asbest' høvdu á sínum spæliskráum.

Magnum (3/4) 30. mars 2022. Sendirøðin hevur einans tilfari, sum á ein ella annan hátt kann setast í samband við ungdómslív í áttatíarini.
 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
PLÁTUBARRIN: 'Sweet perlur' í sjeytiárunum (seinni partur)
'Hálvantímatátturin': Hildið verður fram frá síðsta leygarkvøldi við Sweet løgum; hesaferð árini 1974 til 1978 + eykalag frá 1980. Sweet staðfestir sína støðu sum rokkbólkur.
27-11-2022
TEMAPLÁTAN 40: 'Thriller', Michael Jackson, 1982
Heimsins mest selda album er 40 ár her í november 2022. Á tí eru kend løg sum 'Billie Jean', 'Beat It', 'Thriller', 'Human Nature', 'The Girl Is MIne', og onnur.
26-11-2022
PLÁTUBARRIN: 'Sweet perlur' í sjeytiárunum (fyrri partur)
'Hálvantímatátturin' er hesaferð ein ferð við bretska bólkinum, The Sweet, tey fyrstu hittárini frá 1971 til 1973. Vit hoyra menningina frá ovurløttum poppi til harðan rokk.
20-11-2022
TEMA 30: 'Automatic For The People', R.E.M., 1992
Talan er um ta áttandu útgávuna hjá amerikanska bólkinum, R.E.M., og kanska eisini ta bestu. Mest spældu løgini í Føroyum eru 'Everybody Hurts' og 'Man On The Moon'.
19-11-2022
TEMAPLÁTAN: 'True', Spandau Ballet, 1983
Tann best umtókta útgávan hjá enska Spandau Ballet, ið inniheldur bólksins tvey størstu hitt; 'True' (UK nr. 1) og 'Gold' (UK nr. 2).
12-11-2022
MINNISSENDING: Dan McCafferty í Nazareth er tagnaður
Rokksangarin, Dan McCafferty, andaðist 8. nov. 2022. Síðan 1971 hevur hann saman við bólki sínum, Nazareth, ríkað okkum lívið við løgum sum Love Hurts og This Flight Tonight.
12-11-2022
TEMAPLÁTAN: Beauty and the Beat, The Go-Go's, 1981
Fyrsta og best umtókta útgávan hjá kaliforniska bólkinum, The Go-Go's, við Belindu Carlisle. Kendastu løgini eru: 'Our Lips Are Sealed' og 'We Got The Beat'.
05-11-2022
TEMAPLÁTAN: 'The Miracle', Queen, 1989 + nýtt eykalag
Ein tann mest seldu Queen útgávan, sum meira kann kallast eitt heildarverk, enn eitt singleplátusavn. Kend løg eru 'I Want It All', 'The Invisible Man', og 'Breakthru'.
29-10-2022
TEMAPLÁTAN: Keep the Faith, Bon Jovi, 1992
Triðbest umtókta albumið hjá Bon Jovi. Og meira búgvi enn tey undanfarnu. Størstu hittini eru 'Bed of Roses', 'Keep the Faith', og 'In These Arms'.
23-10-2022
PLÁTUBARRIN: Kiss singleplátur '76 - '87
Seinasti 'Hálvantímatátturin' í vetrarskránni '21-'22 inniheldur burturav løg, sum amerikanski rokkbólkurin, Kiss, gjørdi kend í sjeyti- og áttatiárunum.
08-05-2022
TEMAPLÁTAN 40: 'Rio', Duran Duran, 1982
'Hungry Like the Wolf' og 'Save a Prayer' er tvey av løgunum á hesum poppklassikara, sum vit spæla og umrøða. Eitt av løgunum presenterar Kári Annand Berg, útv.maður og DJ.
07-05-2022
MINIBARRIN: 'For Fuld Musik 12' frá 1983
Hetta er onnur sendingin í røðini við Minibarrum í summar, her lagaskráirnar eru frá 'For Fuld Musik' savnsplátum, ið givnar vórðu út árini 1983 til 1989.
14-06-2022