Koppseting álvarslig hjáárin

Rannvá Egholm
rannva@roddin.fo

Á hvørjum ári doyggja fleiri hundraðtúsund kvinnur kring um í heiminum av lívmóðurhálskrabba, og í Føroyum fáa umleið 10 kvinnur árliga staðfest sjúkuna. Týdningarmikið er at lata seg koppseta ímóti sjúkuni, áðrenn mann verður seksuelt virkin, og í 2010 gjørdist møguligt hjá øllum gentum at fáa ókeypis koppseting, tá tær fyltu 13 ár.

Í Danmark hevur ein trupulleiki nú tikið seg upp, og fleiri gentur hava fingið álvarslig hjáárin av koppsetingini. Hetta skrivar BT í gjár. Áhaldandi høvuðpína, búkpína, ørilsi, trupulleikar við minninum og sansunum eru bara nøkur av hjáárinunum, sum Vaccinationsforum hevur staðfest.

Eisini í Japan kenna tey til hesar trupulleikarnar, og japanska stjórnin er nú steðgað við at viðmæla koppsetingina ímóti lívmóðurhálskrabba og ávarar borgarunum ímóti at taka sproytuna.

- Eg eri nú sum fráliðið so mikið væl ávarað um hjáárini frá koppsetingini ímóti lívmóðurhálskrabba - bæði í Danmark og aðra staðni í heiminum - at eg haldi, at tað eru uppá tíðina, at okkurt verður gjørt við tað. Genturnar, ið hava latið seg koppsett, hava alsamt fingið at vita, at tær ikki fara at fáa álvarslig hjáárin, sigur Elsa Jensen frá Vaccinationsforum um støðuna í Danmark.