Skaldið: Kristina Clementsen

info@roddin.fo

Kristina Clementsen er 17 ára gomul og gongur í Studentaskúlanum í Hoydølum. Í frítíðini spælir hoyvíksgentan hondbólt, men eisini skrivar hon nógv. Her kanst tú vitja blogg hennara, har hon umframt yrkingar m.a. skrivar hugðleiðingar.

fánaði tónin

burturmisti tónin
slepti sær burtur
í mjørkanum
har eingin sá
fánan

eg leiti enn
har eingin fet eru
eftir livandi tónanum
ið slapp sær burtur
uttan ljóð

skurrandi ljóðini
styrkja enn sansirnir
lovandi orðini
fylla lagið
langt burturi

burturmista røddin
slapp sær burtur
í ljósinum
har øll sóu
meg

syndin er í mær



Fyll meg við blóðið tínum

flagga við kroppi mínum

kenn meg har

syndirnar eru
men



syng

vinnara róp

tað tú dyrkaði

spjótið, ið tú kastaði

nemdi allar lívskyknur mínar



prenta sangir og nótar á meg

kroppur sum pappír

samvitskuleys lík

drópu rættvísi

vís

Gimsteina havið

Eg sveimi

Malandi í sandinum

millum gimsteina havið

har sannleikans strendur

skiljast sundur

Eg leiti

Spyrjandi í huganum

millum mannamúgvurnar 
har eingin er

at finna



Leitandi, sveimandi

í hugsandi heimi

har søti sannleikin

opnar seg