Útgáva: Laila av Reyni

Rannvá Egholm
rannva@roddin.fo

Laila av Reyni er allarhelst best kend sum sniðgevi, og útheimurin hevur seinastu tíðina lagt merkis til hennara vøkru kjólar. Tað er tó ikki bert sum sniðgevi, at Laila fær nógv rós. Í síðstu viku varð fyrsta staklagið kunngjørt, og lagið hevur longu verið spælt oftani í útvarpinum. Staklagið „Freaks“ er av fyrstu fløguútgávuni hjá Lailu av Reyni, sum nú er tøk í handlum. Fløgan ber heitið „Laila av Reyni“.

Tann 12. oktober verður útgávukonsert í Østrøm, og herfyri leitaði Laila av Reyni eftir modellum til konsertina. Til útgávukonsertina fer songkvinnan nevnliga at seta tónleikin og sniðgevingina saman, og ein „álvasýning“ við kjólum sniðgivnum av Lailu verður at síggja. Útgávukonsertin verður leygardagin tann 12. oktober kl. 20, og ein av modellunum verður tann danska Miss World 2012.

Her ber til at hoyra lagið „Freaks“ og „Black“.