Føroyingar skipa fyri stórum norðuratlantiskum festivali í Keypmannahavn

Í mai komandi ár verður fyrsti Frigg festivalurin hildin í Kongens Have í Keypmannahavn. Festivalurin fevnir um tónleik frá norðuratlantiska tónleikapallinum við bólkum úr Føroyum, Danmark, Íslandi og Grønlandi. Úr Føroyum framføra Eivør, Byrta og Páll Finnur Páll. Eisini verður íslendskt reggae við bólkinum Hjálmar, grønlenskur indie rokkur frá Nanook og popptónar frá Falullah at hoyra. Tá endaliga skráin verður klár, fer hon at fevna um 20 aktuellar tónleikabólkar.

Tað eru Steintór Rasmussen, fyriskipari av Summarfestivalinum, og Hans Petur í Brekkunum, leiðari á Føroyahúsinum í Keypmannahavn, sum hava tikið stig til festivalin. Sambært fyriskiparunum skal festivalurin marknaðarføra føroyskan tónleik fyri útheiminum og skapa vinarbond ímillum tey fýra londini, sum eru umboðað á festivalinum. 

Kostnaðurin fyri atgongumerki til festivalin er 678 krónur.