Spenningur í Effodeildini

”Tað hevur leingi ligið til tað, men nú kann tað sigast við næstan fullari vissu. HB verður føroyameistari í ár.”

Hetta stóð at lesa á faroesoccer.com mikudagin 2. oktober við yvirskriftini ”Spenningurin í oddanum burtur”. Tríggir dystir vóru eftir av kappingini, og HB lá greitt á odda - 8 stig framman fyri ÍF á øðrum plássi.

Sunnudagin kom tó spenningur í aftur, eftir at ÍF vann 3-1 á HB. Hevði HB fingið stig, hevði FM-heitið verið tryggjað. Tað sama er galdandi fyri næsta sunnudag; fær HB stig, kunnu teir kalla seg føroyameistarar. Um ÍF vinnur báðar restandi dystirnar, og HB tapir, verður ÍF meistari.

Í hinum endanum berjast TB og KÍ um at yvirliva í Effo-deildini, meðan tað er greitt, at 07 Vestur flytir niður. Sum tað sær út nú, flytir TB niður við 22 stigum. Hetta var aftaná, KÍ megnaði at vinna á AB, og TB taptu á B36, sum harvið tryggjaði AB plássið í bestu deildini næsta ár. Einki avgjørt enn , og spenningurin er stórur.

Støðan nú:

HB                       51

ÍF                         46

NSÍ                       42

B36                      40

EB/Streymur        38

Víkingur               37

AB                        28

KÍ                         25

TB                        22

07 Vestur             14

’