G-strong ella smittu?

Í buksum ella kjóla, ið sita tætt inn at kroppinum, er ofta hent at fara í g-strong, tí so sleppur mann undan teimum keðiligu og sera sjónligu linjunum frá undirbuksunum. Hetta vakurleikasmáputlið er tó ikki óvandaleyst og kann hava við sær smittu í undirlívinum. Hetta skrivar Health Magazine á sínari heimasíðu.

Kanningar hava aldri prógvað sambandið ímillum g-streingir og smittu, og tað er ikki soleiðis, at ein g-strongur beinleiðis førir til smittu. Trupulleikin við klædnaplagginum er, at bakteriur frá lorti hava lættari atgond til undirlívið, og g-streingir sita eisini so mikið tætt og stramt, at teir kunnu irritera húðina, sum eisini kann geva tær smittu.

So g-strong ella smittu? Um tað hevur størstan týdning, at linjurnar frá undirbuksunum vera verðandi ósjónligar, so eru tó nøkur ráð, ið minka um vandan. Nýt g-streingir úr bummull, skift hvønn dag og ikki nýta g-strong í eitt ov stórt tíðarskeið. So skjótt tað byrjar irritera ella skríða, skift so til leysar, vanligar bummullsundirbuksir, og um smitta er komin í, legg g-strongin so á hyllina inntil smittan er vekk.