Tríggir Avatar filmar afturat á veg

Kendi leikstjórin James Cameron hevur ikki fingið nokk av bláu Avatar-verunum, sum vunnu honum tríggjar Oscar-heiðurslønir og gjørdist mest seldi filmurin nakrantíð. Saman við Nýsælandsku stjórnini boðar hann nú frá, at tríggir Avatar-filmar verða gjørdir afturat.

Filmarnir skulu takast upp í Nýsælandi, og stjórnin væntar, at filmarnir kunnu geva landinum eina inntøku á tríggjar milliardir krónur og skapa hópin av arbeiðsplássum. 

Fyrsti Avatar-filmurin kom út í 2009 og varð eisini tikin upp í Nýsælandi. Filmurin breyt øll met og seldi biografbillettir fyri 1,9 milliardir dollarar. 40 % av filminum varð skapt við livandi menniskjum, meðan 60 % varð gjørt við teldu. 

Gongur alt eftir ætlan, verða teir tríggir Avatar-filmarnir frumsýndir ávikavist síðst í 2016, 2017 og 2018.