Nýggjar myndir prógva hópdráp í Sýria

Familjurnar at hesum fangum hava fyrr fingið at vita, at hesir eru deyðir av antin kropsligum løstum ella sjúkum, men myndirnar, keldan hevur smuglað úr Sýria á geymum, eru sterkasta prógvið fyri hópdrápi.

Keldan setti seg í samband við tríggjar sakførarar, ið fyrr hava verið ákærar í krígsrættunum í Jugoslavia og Sierra Leone, og hesir tríggir bera nú tíðindini um hesar myndirnar fyri heimsfjølmiðlunum.

Hóast ST og aðrir mannarættindabólkar fyrr hava skuldsett Bashar Al-Assad, forseta í Sýria, fyri brot á altjóða mannarættindini, eru hesar nýggju myndirnar sterkasta prógvið higartil í sakini móti hansara stýri.

Í morgin, 22. januar, byrjar Geneva II ráðstevnan í sveisiska býnum, har heimsins leiðarar skulu royna at finna eina semju um trupulleikarnar í miðeystri við serligum atliti at eini friðaravtalu millum sýrisku stjórnina og uppreistarbólkarnar í landinum.

Les alla frágreiðingina og síggj nakrar av myndunum á heimasíðuni hjá The Guardian her.