Fyrrverandi sjónleikarinna hevur fingið krabbamein av at taka sól

Orsøkin er, at Gibson hevur verið stór brúkari av solarium, og hon hevur ikki nýtt verndarbrillurnar, sum altíð liggja á sólstøðunum.

Debi Gibson er serliga kend frá ensku sendirøðini Eastenders. Hon sigur, at hon byrjaði at taka sól, tá hon var bert 14 ára gomul, tí hon kendi seg pressaða til tað á arbeiðinum. 

Annað eygað varð tikið í 2012, men nú hevur krabbin spreitt seg til livurin, og hon hevur fingið at vita, at hon ikki hevur nógva tíð eftir at liva í.

Nú Debi Gibson ikki hevur nóga tíð eftir at liva í, vil hon varpað ljós á hvussu ósunt tað er at taka sól.

- Eg vil hava, at deyðin hjá mær viðførir okkurt gott. Alt hetta, tí eg vildi vera brún. Eg hevði ynskt, at solarium varð bannað.

Gibson keypti sær sína egnu sóllampu, tá hon var 14 ár.

- Eg brúkti hana allatíð. Tá vóru ongar reglugerðir um at taka sól, man helt at tað var so sunt, sum tað kundi vera!