Føroyingar vilja einans hoyra føroyingar

Flestu festivalgestirnir á FRIGG eru føroyingar, og tað sást eisini aftur, tá grønlendsku Small Time Giants traðkaðu á pallin.

Marius Ziska hevði júst spælt, og ein fitt fjøld hevði staðið og lurtað. Tá Small Time Giants, sum eru sera kendir í Grønlandi, fóru á pallin, fóru allir føroyingarnir hvør til sítt.

Small Time Giants framførdu fyri allar pengarnar, so tað var sera keðiligt, at so fá stóðu og lurtaðu.

Um tað er ræðslan fyri tí ókenda, vita vit ikki, men tey, sum rýmdu, mistu eina feita framførslu. Síggj sjónbandasamrøðuna við Small Time Giants á Röddini í morgin.