Firmakapping í flogbólti: Uppsummering

Árliga firmakappingin hjá Fleyr var í dag í Gundadalshøllini. Bank Nordik fór avstað við fyrstaplássinum, Politiið tók annað plássið, meðan Almannaverkið endaði á triðja einum plássi.

Kappingin var skipað soleiðis, at liðini vórðu deild í tríggjar bólkar. Nummar 1 og 2 úr hvørjum bólki fóru víðari til semifinalu. Í semifinalunum møttust MBM og Politiið, Bank Nordik og Nema, og til síðst Bowlinghøllin og Landsverk. Her endaðu Bank Nordik og Politiið í finaluni, og Bank Nordik vann spennandi finaluna. 

Vit úr Röddini vóru eisini við, men hvussu tað gekk, er ikki nakað at reypa av - vit endaðu aftast í okkara bólki og komu tískil ikki víðari. 

Kortini kann annað ikki sigast, enn at hetta var ein góður dagur, og Röddin verður heilt sikkurt við aftur í næsta ár, har vit taka fyrsta plássið!

Myndir kunnu síggjast her.