Hví tjalda í tjaldingarøkinum, tá tú kanst tjalda í havanum?

Nøkur velja ikki at keypa sær tjaldingarpass, men heldur bara tjalda uttan fyri økið. Pætur Magnussen og Rói Kollslíð eru nakrir teirra, og teir tjalda í ár í einum privatum hava saman við tveimum øðrum.

- Tað kostar jú at koma inn á teltøkið. Har verður ofta stolið á teltøkinum, og av tí at vit hava eitt rímiliga dýrt telt, loysir tað seg kanska betri at tjalda uttanfyri, sigur Rói.

Men teir flestu gestirnir eru samlaðir á teltøkinum, og tað er eisini har, ballið plagar at vera í hæddini. Isolera hesir fýrarnir seg ikki eitt sindur frá felagsskapinum við at tjalda uttan fyri økið?

- Vit síggja alt, sum gongur fyri seg rundan um teltøkið her frá. Men eg haldi, tað er hugnaligt allíkavæl at sita her, sigur Pætur.

Teir hava gott pláss, og vinfólk teirra dáma væl at koma framvið til eina øl ella tvær. Tað er her, teir hita upp, og seinni gongur leiðin yvir í festivaløkið at lurta eftir tónleiki o.a.