10 ára gamli Høgni heiðrar læknum á Ríkissjúkrahúsinum

10 ára gamli Høgni Dávason er føddur við sjúkuni Cystisk Fibrose, sum er ein álvarsom arvalig sjúka.

Syngur um marrurnar

Longu tá Høgni var 5-6 ára gamal byrjaðu marrurnar, sum hann lýsir í sanginum ”Hvide kitler”, at koma.

- Marran var um eina rúgvu av hvítum kitlum, sum líktust fólkum uttan andlit, bara kitlar við sólbrillum á. Kitlarnir komu nærri og nærri, og foreldrini hjá mær góvu meg til kitlarnar. Hvítu kitlarnir gjørdu ljót ting ímóti mær, so sum at ríva, suka, stinga, røra og seyma, sum um eg var eitt djór.

Vil seta fokus á sjúkuna

Høgni vónar, at hann við hesum sanginum kann seta meira fokus á sjúkuna Cystisk Fibrose. Hann hevur eisini skrivað lagið fyri at heiðra starvsfólkunum á sjúkrahúsinum.

- Teir pína meg, men teir eru eisini grundin til, at eg eri á lívi. Orsakað av hvítu kitlunum havi eg eitt gott lív, krevur tað ikki rós?