Her eru heimsins bestu blaðmyndir

World Press Photo hevur í dag valt tær bestu blaðmyndirnar. Í ár var ein dani við í sigrinum, tað skrivar Dr.dk á heimasíðu teirra.

Danin, Mads Nissen, vann høvuðsprísin fyri mynd sína, sum lýsti homofobi í Russlandi.

Í myndagreinini niðanfyri eru myndir, ið vóru við í kappingini um ársins World Press Photo.

Danski myndatakarin, Mads Nissen, vann høvuðsprísin frá World Press Photo. Myndin er frá eini reportagu í Russlandi. Myndin vísir eina intima løtu millum unga parið Jon og Alex.

© Pete Muller. Ein ebolasmittaður maður roynir at flýggja úr frábyrgingini. Maðurin doyði stutt eftir, at myndin varð tikin.

© ARASH KHAMOOSHI. Myndin vísir eina mammu, ið slær drápsmannin hjá soninum, áðrenn hann verður avrættaður.

© Bulent Kilic. Ein særd ung genta í mótmælisgongu í Turkalandi í samband við jarðarferðina hjá Berkin Elvan, ið var ein 15 ára gamal drongur, ið doyði í eini mótmælisgongu ímóti stjórnini.

© Youngzhi Chu. Ein apa roynir at krógva seg fyri sínum venjara.

Sí fleiri myndir her.