Vevnaðarflyting av høvdum verður veruleiki

Nakrir av heimsins bestu skurðlæknum ætla nú at skapa søgu. Teir vilja nevnliga fullføra heimsins fyrstu vevnaðarflyting av einum menniskja-høvdi.

Hóast hetta ljóðar sum tikið beint út úr einum sci-fi filmi, so er ætlanin longu sett í verk, og vísindaligi heimurin bíðar spentur eftir at vita, um ein slík vevnaðarflyting yvirhøvur ber til, og hvat tað inniber, um so er.

Maðurin, ið eftir ætlan skal skurðviðgerast, er 30 ára gamli russin, Valery Spiridonov, ið hevur deyðiliga vøddasvinnið, Werdnig-Hoffman Disease. Vónin er, at slóðbrótandi vevnaðarflytingin kann lekja Spiridonov við at geva honum ein nýggjan kropp.

Italienski skurðlæknin, Sergio Canavero, er maðurin, sum skal avhøvda unga russan, og festa høvd hansara aftur á eina nýggja mønu í einum nýggjum donor kroppi. Eftir ætlan skulu 150 læknar tó hjálpa til undir skurðviðgerðini, sum verður 36 tímar long.

Gongur alt væl, verður Spirinodov kanska lektur, men vandin fyri, at hann doyr, er tó sera stórur. Harafturat ber enn ikki til at siga, hvussu ein slík vevnaðarflyting kann ávirka heilan, ella um donorkroppurin fer at vraka nýggja høvdið.

Verkætlanin byrjar í juni, tá ið Sergio Canavero fer at útvega sær skurðlæknar, sum skulu taka lut í skurðviðgerðini. Sjálv skurðviðgerðin fer eftir ætlan fram um eitt ella tvey ár.

Niðanfyri sært tú eina framløgu á TED-Talks um skurðviðgerðina:

Kelda: NewScientist