Lukas Graham tekur fjepparar á bóli

Lukas Graham gevur í dag út nýggju fløguna "Lukas Graham (Blue Album)", og við hesum tekur hann allar sínar fjepparar á bóli, tí hetta hevur verið loyniligt allatíð. 

Í nátt hevur hann verið úti og sett fløgur upp á hillarnar í handlunum, so tær vóru klárar til í dag. Eisini er nýggja fløgan komin á donsku stroymingatænasturnar og iTunes. 

Keyp nýggju fløguna her

Í hálvtannað ár hevur Lukas Graham saman við framleiðarunum Future Animals og Pilo arbeitt við kraft fyri at gera hesa nýggju fløguna. Fyrsta fløgan hjá Lukas Graham kom út í 2012, og nú trý ár seinni er hann klárur við fløgu nummar tvey. 

Á nýggju fløguni eru 12 løg. Umframt 10 nýggj løg, so verður lagið "Mama Said" og ein nýggj útgáva av "Happy Home" á fløguni. 

Umframt avdúkanina av nýggju fløguni, so hevur Lukas Graham eisini avdúkað, at hann í novembur mánað fer á konsertferð kring Danmark. Men vit føroyingar kunnu fegnast um, at hann longu fyrst í august verður at síggja á Vágsbøi í Klaksvík.

"Drunk in The Morning" er eitt av fyrstu løgunum, sum Lukas Graham varð kendur fyri, men flestu av okkum kenna eisini Lukas Graham frá sjónvarpinum. 26 ára gamli Lukas Graham hevði nevniliga leiklutin sum lítli "Grunk", sum er lítlibeiggi "Krumme" í kendu familjufilmunum "Krummerne" frá fyrst í 90'unum. 

Sí eitt brot úr filminum her