Longsti dagur á Slættaratindi

Hóast vit ikki hava merkt nógv til summarið í Føroyum enn, so er tað longsti dagur í dag, 21. juni. Hetta merkir, at vit nú ganga móti myrkari tíðum. 

Unga Tjóðveldið hevur tó aftur í ár skipað fyri kvøldsetan á Slættaratindi. 

Ein bussur fer úr Havn kl. 19.00, og tá øll eru komin á tind, heldur Tór Marni Weihe røðu. Eisini verður tónleikur uppi á Slættaratindi. 

Les meira um tilmelding til tiltakið her. 

- Hvar er betri at vera longsta dag enn á Slættaratindi? Unga Tjóðveldið hevur nú skipað fyri hesum túrinum í fleiri ár. Tað plagar at vera ein hugnaligur túrur, og eisini eru onnur ferðalið og einstaklingar, sum leita sær niðan á Slættaratind hendan dagin. Hetta er vorðin ein siðvenja hjá okkum í Unga Tjóðveldinum, sigur Tráin Petursson Nónklett, formaður í Unga Tjóðveldinum.