Onki summar, men heldur ikki regndansur á G!

Í støðum hevur sólin bakað oman í niðan í dag – eisini í Gøtu. Veðurgudarnir lova kortini ikki sama góða veður restina av vikuni. Í nátt verður skýggjað og nakað av regni. Hitin fer at liggja um 7 til 10 hitastig.

Hósdagur

Eitt lot, tó undir 6 m/s. Tað verður skýggjað og í støðum eitt sindur av regni. Seinni klárar í, og sólin kagar møguliga undan. Hitin liggur um 10 til 13 stig. Um náttina veksur vindurin upp í 8 m/s. Tað verður skýggjað, men turt. Hitin millum 7 og 10 stig.

Fríggjadagur

Lættur til frískur vindur av vestri. Tað eru umleið 5 til 10 m/s. Tað verður mest skýggjað, og seinni á degnum koma regndroparnir, tó ikki beinleiðis regn. Hitin liggur um 8 til 12 stig.

Leygardagur

Aftur eitt sindur av vindi. Á fakmáli verður frískt lot til frískan vind, sum er millum 5 og 10 m/s. Um náttina verður eitt sindur minni av vindi, millum 3 og 8 m/s. Tað verður í størstan mun skýggjað og regn. Seinni okkurt æli. Um náttina verður væntandi turt. Hitin liggur millum 7 og 10 stig.

Sunnudagur

Eitt lot, sum er 3 til 5 m/s. Fyri tað mesta skýggjað og helst turt. Um kvøldið verður okkurt æli. Tað ger tó minni, tí tú hevur ivaleyst pakkað tingini og svevur rúsin av tær heima í fjálgu songini innan ta tíð. 

Kelda: dmi.dk og yr.no