Sólin skínur, og lagið er gott á Country- og Blues festivalinum

Hóast EM verður spælt í løtuni, forðar tað ikki fólki í at fara út at njóta góða stemningin á Country- og Blues festivalinum í Sørvági. Sólin skínur, lagið er gott, og countrystemningurin er sera eyðsýndur; fyriskipararnir hava gjørt nógv burtur úr við at gera bygdina til eina hugnaliga Western-kenda bygd. 

Hugnalig “Western Saloon”, har til ber at fáa sær okkurt at drekka til live countrytónleik. 

Um lítla løtu fer Punjab sum tann fyrsti bólkurin at spæla á stóra palli í kvøld. Annars verða nøvn sum Tinganest, Hallur Joensen, Bluesette og Danni Leigh eisini at hoyra seinni í kvøld. 

Fyriskipararnir hava eisini júst boðað frá, at hæddarpunktið frá í gjár, Axel O. & CO úr Íslandi hava játtað at spæla umaftur, av tí at Johan í Kollafirði hevur givið avboð. Teir fara á lítla pall kl. 01:30.

Festivalurin bjóðar eisini nógv ymiskt stuttligt til børnini, og tey lata væl at. Her er eitt "Jail".