Elinborg og Rökkvi í Töting

Í kvøld, 5. septembur, bjóðar tónleikasamtakið Grót til eina dupultkonsert í Töting við Elinborg Pálsdóttir og Rökkva.

Elinborg

Konsertin verður ein frum-útgávukonsert hjá tí bert 18 ára gomlu Elinborg, sum er klár við síni fyrstu tónleikaútgávu, Spor, ið er ein EP útgáva við fýra løgum, sum hon sjálv hevur skrivað. Elinborg fer á pall saman við bólkinum hjá sær, sum hon framførdi alment saman við fyri fyrstu ferð á ársins G! festivali.

Les eisini: Tað er nógvur tónleikur í mínari familju 

Rökkvi

Rökkvi er ein lutfalsliga nýggj tónleikaverkætlan hjá fuglfirðinginum Rógva Odvørson. Umframt at hava framført á Summar Festivalinum og Við Múrin luttók Rökkvi eisini á Sement í vár. 

Tónleikurin kann lýsast sum elektroniskur popp-rokkur, og hevur lagið "Where Is The Sun"  verið nógv spælt á føroyskum útvarpsrásum. Eins og Elinborg kemur Rökkvi á pall við bólki.

Les eisini: Sement finalisturin, Rökkvi

Niðanfyri hoyrir tú lagið, Dreymur, hjá Elinborg