Playlistin: Rannvá Andreasen

Hesa ferð er tað 17 ára gamla Rannvá Andreasen, ið deilir sín playlista á Röddini. Teir flestu sangirnir eru friðarligir, og tað eru sangir, hon hevur lurtað eftir í áravís.

- Playlistin er mega avslappaður, tað eru sangir, sum eg lurti eftir beint nú. Tað eru næstan bara gamlir sangir á, tí eg verði so lætt troytt av tí nýggja tónleikinum. Onkrir á listanum eru mínir yndis, tað eru eisini sangir, sum eg havi lurtað eftir í áravís.

Á listanum eru 10 ymiskir sangir, spældir av 10 ymiskum tónleikarum. Tú kanst millum annað hoyra Simon and Garfunkel, Høgna Lisberg og Guns N' Roses.

- Eg valdi at taka 10 ymiskar kunstnarar, tí tað er so ymiskt, hvørjum eg lurti eftir. Eg haldi, at hesir sangirnir vísa nokk so væl, hvat blandingin er.

- Beint nú er John Denver heilt sikkurt mín yndis tónleikari. Tað kund væl verið 10 sangir hjá bara honum, men tað hevði helst verðið keðiligt fyri tey flestu at bara hoyrt hann.

Hevur tú hug at deila tín tónleik, ert tú vælkomin at leggja okkum eini boð á Roddin@roddin.fo ella á Facebook