Ein skógvaeskja er brúkt til meir enn bara skógvar

Christmas Child er heimsins størsta jólatiltak fyri børn, har eini 7-8 milliónir skógvaeskjur vera givnar kring heimin og sendar til eini 130 ymisk lond. Skógvaeskjurnar eru fyltar við alskyns gávum til børn, sum nærum einki hava - har ímillum vaskigreiðir, klædnapløgg sum t.d. okkurt bundið til børn í køldum londum, onkrar leikur og okkurt góðgæti.

Í ár vóru 5499 eskjur latnar inn til Christmas Child í Føroyum. Tað er meira enn nakrantíð áður. Nógv ung og børn lótu eskjur inn í samkomum, kirkjum, barnagørðum, ítróttafeløgum og skúlum. Eskjurnar, sum komu inn frá føroyingum í ár, verða allar sendar til Rumenia.

Her er føroyska heimasíðan hjá Christmas Child