Rithøvundurin aftan fyri 'How to Kill a Mockingbird' er deyð

Harper Lee gjørdist heimskend, tá hon í 1960 útgav bókina 'To Kill a Mockingbird', sum í dag er blivin ein klassikari. 

Stiggur Pulitzer-vinnari

'To Kill a Mockingbird' er um ein sakførara, sum verjir ein svartan mann, ið er ákærdur fyri neyðtøku. Bókin varð væl umtókt alt fyri eitt, og árið eftir vann Harper Lee Pulitzer heðurslønina fyri avrik sítt í fagurbókmentum.

Hóast hon eftir stuttari tíð bleiv heimskend, var Harper Lee ein sera privatur persónur, ið sjáldan tímdi at tosa við miðlar. Fólk í heimbýi hennara vardu hana eisini væl.

Filmurin vann tríggjar Oscars

Í 1962 bleiv bókin eisini gjørd til film við sama navni. Filmurin vann tríggjar Oscars og varð fagnaður um allan heimin. 'To Kill a Mockingbird' er enn í dag millum teir bestu í amerikanskari filmssøgu.

55 ár millum bøkurnar

Rithøvundurin útgav bara tvær bøkur. Tann seinna, 'Go Set a Watchman', ið er eitt framhald av fyrru bókini, bleiv ikki útgivin fyrr enn í fjør. Sostatt vóru heili 55 ár millum bøkurnar.

Harper Lee andaðist í morgun í heimbýi sínum, Monroeville í Alabama, har hon búði alt sítt lív. Hon varð 89 ára gomul.

Kelda: BBC