Nú kanst tú meira enn bara at "like'a"

Tú kennir tað kanska. Okkurt vinfólk leggur eitt syrgiligt filmsbrot út á Facebook av hungrandi gøtuhundum í Russlandi, og tú trýstir á tummilfingurin fyri at vísa samkenslu ella kanska bara fyri at vísa vini tínum, at tú hevur hugt eftir brotinum. 

"Tær dámar hetta"

Men hvat hendir? Knappliga stendur  "<títt navn> dámar hetta" Shit. Tað følist kanska ikki heilt rætt. Halda fólk nú, at tær dámar, at hundar doyggja í hungri í Russlandi? Ella halda tey, at tær dámar, at vinur tín ger vart við trupulleikan á Facebook? Jú, "like"-knøtturin funkar onkuntíð væl, men vit munnu vera mong, sum hava sakna eitt alternativ.

Seks nýggj ikon

Hetta hevur Facebook umsíðir skilt. Í vikuni góvu tey okkum heili seks ymsar reaktiónir, ið vit kunnu velja ímillum. Tann upprunaligi like-knøtturin er har enn, men tá tú heldur pílin uppiyvir honum, sleppur tú at broyta tummilin til eitt av nýggju ikonunum: Love, Haha, Wow, Sad ella Angry, ið tú sært niðanfyri. 

Samanborið við gamla "like"-knøttin, so tykjast nýggju valmøguleikarnir avgjørt at vera eitt framstig, tí tú nú hevur fleiri hóskandi reaktiónir til teir filmar, myndir og dagføringar, ið tú sært á Facebook. Men hvør veit? Kanska onkur fer at sakna tær óhepnu støðurnar, ið like-knøtturin onkuntíð hevur sett okkum í.

Hvat heldur tú?

Kelda: Geek