RøddinLive: Brúðarhús, spurnarkapping og Føroyar

Uppskotið um borgarliga vígslu millum samkynd bleiv samtykt í dag við triðju viðgerð. 19 atkvøddu fyri og 14 ímóti. LGBT hátíðarheldur, at samkynd nú sleppa at giftast borgarliga. LGBT bjóðar í Brúðarhús í Reinsarínum í kvøld, og vit fregnast, hvat sker har.

Reinsaríið  Mynd: © LGBT Føroyar

Magnus Olsen og Petur Thomsen sluppu ikki við á Quistin hjá Gunnari Nolsøe, men Torbjørn hevur fyrireikað eina minst líka stuttliga og spennandi spurnarkapping.

Magnus Olsen og Petur Thomsen

Vit snakka eisini um Føroyar. Summi verða búsitandi, summi fara av landinum og koma aftur eftir nøkur ár í útlegd, meðan onnur als ikki koma aftur. Fýra kvinnur greiða frá, hví tær fluttu heim til Føroya eftir loknan lesnað. Magnus og Petur, sum tó ikki hava verið uttanlands í lestrarørindum, práta eisini um Føroyar.

RøddinLive í útvarpinum kvøld klokkan 20.