Ver statistur og fá "okkurt gott" at drekka afturfyri

- Shiiiiet, hetta er feitt!!

- Ja, her er so pissi hugnaligt og gamaldags, júst soleiðis, tað skal vera.

Danny Baldursson og Páll Brim Joensen fara inn í hugnaligu húsini hjá Gudmundi Helmsdal Nielsen úti á Reyni. Húsini eru ógvuliga lítil, og sum teir sjálvir siga, gamaldags. 

Í morgin fer bólkurin at taka sítt fyrsta sjónbandalag upp, og hetta skal alt gerast úti á Reyni í Havn.

- Vit vilja hava ein positivan stemning yvir sjónbandalagið, har litføgur og glað fólk skulu seta sín dám á, sigur Danny Baldursson. 

Páll Brim Joensen og Danny Baldursson kanna umhvørvið úti á Reyni

- Hvussu kemur mann yvirhøvur upp á takið? Kom lat okkum royna!

Danny Baldursson og Páll Brim Joensen eru nøgdir við umstøðurnar úti á Reyni. Nú manglar bert at lokka at fólk at vera við.

- Vit hava brúk fyri nógvum statistum til sjónbandalagið. Vit fara tískil at spæla konsert niðri á Vágsbotni, tá hálvleikur er millum fótbóltsdystin, ið verður sýndur á stórskermi í morgin, sigur Páll.

- Ja, so vónandi fáa vit lokka fólk niðan á Reyn, har vit afturfyri bjóða okkurt gott at drekka. Vit krevja ikki nógv, bara at tú ert við uppá tað og er glaður, sigur Danny Baldursson at enda. 

Upptøkurnar byrja klokkan 19.00 úti á Reyni í Havn. 

Allir limirnir í bólkinum Danny and the Veetos