- Havi sett mær fyri at halda uppat

Nógv spent fólk leitaðu sær oman í Sjónleikarahúsið til bókaútgávuna hjá Marjun Syderbø Kjelnæs. Búi Dam spældi nøkur vøkur løg. Umboð fyri Bókhandlarafelagið segði nøkur orð. Og Marjun segði, at nú fór hon at gevast at skriva – í øllum førum vildi hon halda summarferiu. Men høvundurin lovar kortini einki.

- Mann skal aldri siga aldrin, sigur Marjun kortini, tá nøkur hjartasuff hoyrast.

Onkur ristir undir armin á Marjun og sigur, at hon fer ikki at klára at halda seg burtur frá skrivingini.

Tað er ivaleyst ein sannleiki í tí. Marjun hevur verið sera produktiv seinastu árini og hevur eisini roynt seg innan fleiri sjangrur. Hon hevur millum annað skrivað Tóm rúm, Skriva í Sandin og Opna. Í gjár kom Óendaliga Vera út, sum bleiv kosin besta samtíðarskaldsøga í kapping hjá Bókhandlarafelagnum. 

Búi Dam setti seg mitt á gólvið at spæla nakrar tónar

Marjun Syderbø Kjelnæs prátar um bókina og sigur, at hon ætlar sær at gevast at skriva. Man hon fara at klára tað?