Hvørjir eru hesir ymsu?

Cliffurin

Maðurin er 75 ára gamal og sigur okkum ungu kanska ikki so nógv. Hann spældi við í bretska “The Shadows” í 50’unum, sum hittaðu í Bretlandi í 50’unum - áðrenn The Beatles byrjaðu at sláa ígjøgnum.

Summar Festivalurin lýsir við honum sum “størsta poppnavn í Føroyum nakrantíð.” Hann verður at hoyra í kvøld, hóskvøld, kl. 22.00 á Vágsbøi.

Boyzlife

Navnið er ein samanseting av “Boyzone” og “Westlife.”

Westlife verður umboðaður av Brian McFadden. Bólkurin er eitt írskt boyband, sum byrjaði síðst í 90’unum og hava síðan tá havt nógv stór hits. Nevnast kunnu “If I Let You Go” og “My Love.”

Boyzone er eisini ein írskur bólkur, og verða teir umboðaðir av Keith Duffy. Teir byrjaðu í 1993, nakað áðrenn Westlife. Allarhelst vóru teir fyrimyndir úr heimlandinum fyri Westlife. Ronan Keating, sum var á Summar Festivalinum fyri fáum síðani, var eisini við í Boyzone. Nakrir av teirra stóru sangum eru “All That I Need”, “No Matter What” og “Picture of You.”

Highasakite

Tað er ein indie-pop/rock bólkur úr Noregi. Bólkurin byrjaði í 2012 og hevur serliga seinasta árið havt undanvind. Bólkurin er ávegis uppeftir og hevur tónleik, sum fellir nógvum fólki lætt.

Í ár hevur bólkurin m.a. útgivið “Someone Who’ll Get It” og “Golden Ticket.”