Frank og Casper gera comeback við nýggjari sesong av Klovn

Í dag varð kunngjørt, at væl umtókta danska serian Klovn heldur fram við nýggjum tilfari, og Frank Hvam og Casper Christensen lova eitt brak av einari sesong. 

Tað eru skjótt 12 ár síðan, at Klovn varð víst fyri fyrstu ferð á sjónvarpsskýggjanum, men skemtararnir báðir eru á einum máli um, at enn eru nógvar søgur, sum ikki eru fortaldar. 

Vit eru tó noydd at bíða nakað afturat, tí sesongin kemur eftir ætlan fyrst út næsta ár. Men Frank og Casper hava nógv jørn í eldinum, og tí kanst tú gleða teg til nýggja filmin hjá teimum, "Dan Dream", sum hevur frumsýning síðst í mars.