RøddinLive: Bolivia, Landastrokið og sex

Skrivað hevur: Rókur Herup Olsen

Hesa vikuna hava nógv evni verið frammi, millum annað var Boliviadagurin í Hoydølum týsdagin, og í hesum sambandi fara vertirnir at tosa við Kristinu Jansdóttir Thomsen, ið er nevndarlimur í Bolivianevndini. Hon fer at greiða frá og kunna okkum um Boliviadagin sum heild.

Eisini fara vit at hoyra eina samtalu við Rólant Reginsson Biskupstø í sambandi við, at Klaksvíkar Sjónleikarafelag framførir sjónleikin Landastrokið.

Høvuðsevnið í sendingini verður tó Vika Sex tiltakið, sum Amnesty International, Føroyadeildin, Løgreglan og Apotekið skipaðu fyri í Steinatúni í Havn. Vika Sex er eitt átak, ið leggur dent á, at ung eins og gomul skulu kenna síni rættindi. Í sendingini greiðir dulnevndur persónur frá, hvørjar avleiðingar tað hevði fyri hana, at hon ikki kendi síni rættindi.

Tosað verður um, hví tað er týdningamikið at tosa um júst hetta evnið. Eisini hevur vertinnan, Hjørdis, verið og tosað við ymisk fólk, meðan hon var til tiltakið.

Hoyrið um hetta og nógv annað í RøddinLive kl. 20 í kvøld!