- Tíðindi, mentan og ítróttur
Frá fyrsta Smirli til í dag
![](https://kvf.fo/sites/default/files/styles/podcastmyndir/public/fra_fyrsta_smirli_til_i_dag_1920x1080.png?itok=YZvTBCgs)
Á sumri 1979 fer Smyril undir fjórða árið, har ið skipið er í uttanlandssigling, og hetta hevur avbjóðingar við sær á suðuroyarfarleiðini, tí at landsstýrissamgongan millum Javnaðarflokkin, Tjóðveldisflokkin og Fólkaflokkin ikki kann semjast um keyp av einum nýggjum skipi til uttanlandssiglingina. Suðuroyingar mótmæla, og fyrst í juli mánað kemur skjóttgangandi tvíkiljan Hornøy, sum strandferðslan hevur leigað úr Noreg, til Føroyar.
Vit skifta orð við Thomas Arabo, sum var stjóri á Strandfaraskipum Landsins, og Sofus Jacobsen, sum var stýrimaður umborð á Hornøy, eins og vit eisini hoyra forkunnug brot úr søgusavni kringvarpsins.
Eisini skifta vit orð við Sigfríð Joensen, sum í 38 ár hevði oljuavgreiðsluna í Hvannasundi um hendi.
Tú kanst hoyra sendingina her!
![](https://kvf.fo/sites/default/files/styles/news_xtra_xtra_large_2/public/fra_fyrsta_smirli_til_i_dag_1920x1080.png?itok=81h7Rd63)