Í 1970-árunum økist talið av akførum alsamt, og hetta hevur við sær at bilferjan Ternan, sum kom til landið í 1970, eftir fáum árum er vorðin ov lítil. Og tá ið skjøtil er settur á 1980-árini, verður ein munandi størri Terna sett í sigling um Leirvíksfjørð.
Í 1986 verður koyrandi um Haraldssund og í 1987 verður Kunoyartunnilin skotin ígjøgnum,. Og hóast 35 ár eru liðin síðani sundið varð typt, er byrgingin um Haraldssund framvegis ikki gjørd liðug.
Tað er eisini í áttatiárunum, at næstseinasta bygdin í Føroyum - Múli, fær vegasamband.
Í sendingini í dag tosa vit við Jens Mohr og Rógva Holm, sum starvaðust á Tórshavnar Skipasmiðju í mong ár, við Poul Gunnhard Poulsen, sum er ættaður úr Kunoy, og Finnleif Durhuus, sum starvaðist sum leiðari á vegaumsitingardeildini hjá Landsverki. Harumframt hoyra vit søguligar upptøkur við Thomas Arabo, Jógvan við Keldu, Lassa Klein og Frits Olsen.
Tú kanst hoyra sendingina her!