Sendingin byggir á eina samrøðu millum Hansinu Rein og Niels Juel Arge frá 1966, og sum Magni Arge legði til rættis í 2022. 

Í sendingini hoyra vit Hansinu Rein siga frá. Hansina Rein (upprunaliga Christiansen) var fødd í Havn 1881 og var millum fáu kvinnurnar, sum nam sær útbúgving fyri aldarskiftið.

Tá sluppu gentur ikki í realskúla, so foreldrini Luddi í Dali og Elsba í Horni eggjaðu døtrunum til at fara á læraraskúla.

Hansina sigur frá ymsum úr gomlu Havnini, og tá hon um aldarskiftið 1900 gekk millum bygda í Kalsoynni at røkja lærarastarv har. Hon mintist eisini ommuna siga frá tíðini, tá tey vevaðu teppir til útflutnings hjá Pram Gad presti í Sandagerði um 1830.

Í sendingini hoyra vit eisini brot úr Teppivísuni, sum Pram Gad yrkti.