Summarmorgun

- Hetta snýr seg eitt sindur um sosialan ótta, sigur Ragnar Finsson.

Queen of Rose er eitt akustiskt lag, sum leggur seg eftir at vera inniligt og intimt. Lagið snýr seg um støðuna, tá tú ert einsamallur, hóast tú ert saman við nógvum fólkum.

Lagið er tað fyrsta av fýra, sum seinni koma á eina EP-útgávu við nýggju verkætlanini HORRSE.

HORRSE er eitt sokallað skaldarnavn hjá Ragnari, har hann loyvir sær at vera ein karakterur, sum kann vera persónligur, uttan bara at vera Ragnar Finsson sjálvur.

- Hetta er ein persónlig útgáva, men tað merkir ikki, at hon snýr seg um meg.

Beint nú er Ragnar saman við bólkinum "Raske drenge" á konsertferð í Belgia, har teir spæla mest sum hvønn dag. Konsertferðin skuldi annars vera beint eftir útgávuna hjá Raske drenge í fjør, men alt bleiv avlýst av koronufarsóttini.

- Nú eru vit endiliga sloppin á okkara konsertferð, og tað er ordiliga kul. Fólk eru gorhungrað eftir konsertum her, haldi eg.

Hoyr alla samrøðuna við Ragnar Finsson og nýggja lagið her.