Summarmorgun

Við slagorðunum "allir kroppar eru summarkroppar" hava ymiskar myndir av ymiskum fólkum verið at sæð á Instagramvanganum hjá Sinnibata Ung.

Fólk hava sent teimum nakrar myndir av sær, til dømis í bikini og svimjidrakt ella eina mynd av einum berum búki. Og so hava tey skrivað ein tekst um sína kropsfatan.

Harafturat hevur ymisk list verið á vanganum, sum snýr seg um kroppar so ella so, tekningar, yrkingar, tónleikur o.s.fr.

Anna Joensen-Næs og Sólrun Michelsen eru í nevndini hjá Sinnisbata ung, og tær halda, at kropsfatan er ein týðandi partur av sálarheilsuni - serliga hjá ungum.

Átakið "allir kroppar eru summarkroppar" er ein roynd at seta orð á kenslurnar og at lýsa áhaldandi trýstið, sum fólk kenna í sambandi við sín kropp og sína útsjónd.

Tilfarið kann síggjast á Instagramvanganum hjá Sinnisbata ung her.