Við Tórði á túri við Gongufelagnum í Havn

13-11-2023

Tey, sum ganga við Gongufelagnum í Havn, uppliva allar Føroyar. Í samfull 30 ár hava 40 gongutúrar verið um árið og eingin túrur er avlýstur

Sagt verður, at Gongufelagið í Havn er fyrsta skipaða gongufelag í landinum. Hesi 30 árini felagið hevur verið til hevur tað skipað fyri omanfyri 1200 túrum.

30 ára dagurin varð hildin í Risastovu í Glyvurshaganum og nógv fólk vóru við og nógv varð gjørt burtur úr. Limir úr GHM spældu og Heðin Mortensen, borgarstjóri, og Heini Nygaard frá Gongufelagnum hildu røðu. Bette Johansen, ið kom við hugskotinum um Gongufelagið fyri 30 árum síðani og framvegis er ein eldsál í felagnum, ímóti gávu frá Tórshavnar Kommunu vegna felagið, umframt at hon sjálv eisini varð heiðrað.

Í november er harutíð og tí verða ikki langir túrar gjørdir hesa tíðina av árinum. Vit vóru við tá felagið fór gongutúr á Vørðuna og út á Eystnes í nógvum eystanvindi. Tó var klárt í veðrinum og útsýnið gott.

-Gongutúrar í náttúruni eru góðir fyri beinheilsuna og felagsskapurin er deiligur. Fólk, sum ganga úti í frískari luft, eru altíð í góðum lag, sigur Bette Johansen í sendingini.

Tey, sum tosað verður við á hesum túrinum, eru: Heini Nygaard, Bette Johansen, Elin Olsen, Anna Maria Seloy, Brynja Birgisdóttir, Jens Marius Poulsen og Birna Jacobsen.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Við Tórði á túri á Uppsølum í Klaksvík

Uppsalar er ein av teimum fýra elstu býlingunum í Klaksvík og var tann størsti. Hann hevur røtur heilt aftur í víkingatíð

09-10-2023

Við Tórði á vatnatúri saman við Dalsgaard og Sigvardsen

Gomlu starvsfelagarnir Asfinn Sigvardsen og Jens Dalsgaard settu sær fyri trimum árum síðani fyri at ganga til øll vøtn í Føroyum. Í dag eru vit við teimum til seinasta vatnið

02-10-2023

Við Tórði á túri á oynni Egholm

Eitt vikuskifti í summar samlaðust skyldfólk úr Egholmsættini í Føroyum á oynni Egholm í Limfjørðinum við Aalborg, haðani navnið á hesum eftirnavninum kemur.

25-09-2023

Henny Egholm (2:2): Skúlagenta í Havn undir trongum korum

12 ára gomul fór Henny Egholm til Havnar at ganga í millum- og realskúla, og har búði hon undir sera trongum korum saman við mammuni ymsa staðni í býnum

26-06-2023

Henny Egholm (1:2): Úr Íslandi til Sumbiar at vaksa upp

Hetta er fyrra sending við 91 ára gomlu Henny Egholm í Havn, sum fekk eina øðrvísi byrjan í lívinum enn tey flestu.

19-06-2023

Einbúgvin av Viðareiði (2:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

13-06-2023

Einbúgvin av Viðareiði (1:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

05-06-2023

Víð Tórði á túri í Trongisvágsbotni

Trongisvágsbotnur er ein sonn perla, sum nógv hoyrdu um fyrstu ferð tá stórt ruddingartiltak var har í september 2017. Saman við Peturi Karl av Rana, bónda, ganga vit í Botn

22-05-2023

Við Tórði á túri á Grønlandsvegnum í Havn

Býlingurin úti í Grønlandi í vesturbýnum í Havn fekk hetta navnið, tí havnarfólk hildu at hann var so langt burtur. Einaferð var Grønlandsvegurin longsta postrutan í Havn

15-05-2023

Við Tórði á túri á Krígssavninum í Vágum

Krígssavnið lýsir ein serligan kapittul, sum broytti nógv føroyska samfelagið. Umfatandi arbeiði fer fram í grøna SOR-bygninginum, samstundis sum framsýningin er opin

08-05-2023

Við Tórði á túri á Fiskaaling við Áir

Laksalúsin er lítil í vavi, men hon fyllir nógv í alivinnuni, og tað ger hon eisini hjá granskarunum á Fiskaaling við Áir. Har finna tey nýggjar loysnir í alivinnuni

01-05-2023

Við Tórði á túri við orkestrinum Ælaboganum

Orkestrið Ælabogin er nú 25 ár. Orkestrið fyri menningartarnað hevur framvegis stóran týdning nú spæla 38 fólk við í orkestrinum. Tey halda merkisdagin við uttanlandsferð

17-04-2023