Oddfríður Marni Rasmussen vitjar í 4. flokki í Gøtu

Í barnaútvarpinum hesa vikuna fara vit at hoyra um bøkur og tað at lesa. Vit vitja børn, sum hava havt rithøvundavitjanir og børn, sum hava lisið nógvar ymiskar bøkur. Í dag eru vit í skúlanum í Eysturkommunu. Vit eru í 4.flokki í Gøtu og her hava tey lisið grummar søgur, eitt nú eina søgu, sum Oddfríður Marni Rasmussen hevur skrivað. Tey hava gjørt listaverk við íblástri úr søguni, og Oddfríður Marni Rasmussen hevur verið á vitjan.