Niðurstøða í kærumáli nærkast

<p>Nevndin fer nú klokkan eitt at leggja seinastu hond á niðurstøðuna, sum umsitingin í løgtinginum síðani skal kanna, áðrenn hon verður latin landsstýrismanninum.</p>

<p>Málið byrjaði í mai, tá allir fýra andstøðuflokkarnir kærdu Johan Dahl til landsstýrismálanevndina, eftir at løgtingsgrannskoðararnir hvassliga høvdu átalað fíggjarligu handfaringina hjá landsstýrismanninum av Strandfaraskipum Landsins.</p>

<p><strong>SÍ EISINI <a href="http://kvf.fo/netvarp/uv/2014/08/22/noyist-bia-um-meira-pengar">Noyðist at biða um meira pengar</a></strong></p>

<p>Sirið Stenberg, forkvinna í landsstýrismálanevndini, sigur, at talan hevur verið um eitt stórt og drúgt arbeiði, sum eisini hevur slóð langt aftur í tíðina. Men nevndin miðar eftir at fáa eitt uppskot til eina niðurstøðu frá hondini eftir fundin í dag.</p>

<p>Tá løgtingsumsitingin hevur gjøgnumgingið niðurstøðuna, verður hon latin landsstýrismanninum. Í Føroyum verður ein slík niðurstøða hjá landsstýrismálanevndini ikki tingmál, uttan so at misálit verður reist móti landsstýrismanninum.</p>

<p><strong>SÍ EISINI <a href="http://kvf.fo/netvarp/uv/2014/08/22/mn-avger-koyra-fggjarleiaran">- Mín avgerð at koyra fíggjarleiðaran</a></strong></p>

<p>Í landsstýrismálanevndini sita Sirið Stenberg úr Tjóðveldi, Joen Magnus Rasmussen úr Fólkaflokkinum og Rósa Samuelsen úr Sambandsflokkinum.</p>