Breiða semjan hómast ikki

11.01.2017 - 14:35
AktueltVinna
Breiða semjan hómast ikki
Tað verður eingin breið semja um fiskivinnunýskipanina, sum støðan er í løtuni. Tað tykist greitt nú politisku samráðingarnar byrja aftur
Einki er flutt síðani flokkarnir fóru at tosa um fiskivinnunýskipanina, siga allir andstøðuflokkarnir
Mynd: Savnsmynd  
 
 

 

Andstøðuflokkarnir, Nýtt Sjálvstýri, Sambandsflokkurin og Fólkaflokkurin, siga allir, at einki er flutt síðani flokkarnir fóru at tosa um fiskivinnunýskipanina.

Høgni Hoydal, landsstýrismaður í fiskivinnumálum, tvíheldur um, at fiskurin skal seljast á uppboði.

Andstøðan tekur ikki undir leisti

Landsstýrismaðurin hevur tosað um ymiskar leistar, sum at byrja við sindur av uppboðssølu, men sum frálíður skal allur fiskur seljast á uppboðssølu. Og tað vil andstøðan ikki.

Hósdagin skal Fólkaflokkurin á fund við Høgna Hoydal um fiskivinnunýskipanina. Men flokkurin hevur einki uppskot at leggja fyri landsstýrismannin, sigur Jørgin NIclasen, formaður í Fólkaflokkinum, við útvarpið.

Sambandsflokkurin fer á fund við Høgna Hoydal seinnapartin um fiskivinnunýskipanina. Magni Laksafoss, tingmaður, sigur, at flokkurin í dag væntar at fáa at vita, hvat samgongan ætlar á fiskivinnuøkinum.

Miðflokkurin ikki fingið fundarboð

Tíðin rennur undan, tí uppskotið um fiskivinnunýskipanina skal latast Løgtinginum seinast í februar. Sambandsflokkurin hevur handað Høgna Hoydal sítt uppskot til fiskivinnunýskipan, sum flokkurin kunngjørdi nakað fyri jól.

Miðflokkurin hevur boðað frá, at flokkurin ikki vil halda fram við at umrøða fiskivinnunýskipanina, uttan so, at flokkurin verður partur av samgonguni. Tað verður hann ikki, og tí hevur Miðflokkurin ikki fingið fundarboð. 

Men Miðflokkurin fer at vera við í viðgerðini tá uppskotið kemur í Løgtingið, sigur Høgni Hoydal, landsstýrismaður.

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220