Suðuroyartunnilin kostar tríggjar milliardir

19.05.2017 - 15:14
AktueltPolitikkur
Suðuroyartunnilin kostar tríggjar milliardir
Landsverk mælir til, at tunnilin kemur upp í Skúgvi
Um nøkur ár skulu politikararnir taka støðu til antin at byggja nýggjan Smyril, ella gera tunnil til Suðuroynna
Mynd: Savnsmynd  
 
 

Trygdin er størsta avbjóðingin í Suðuroyartunlinum.

Tað sigur Landsverk, sum mælir til, at Suðuroyartunnilin kemur upp í Skúgvoynni, so skúvoyingar fáa eisini tunnil.

Landsverk gjørdi í februar eitt upprit um Suðuroyartunnil við nøkrum hugskotum um trygdina.

Landsverk mælir tó til at lata serfrøðingar gera eina trygdarkanning. 

Nýggjur Smyril ella tunnil

Um nøkur ár skulu politikararnir taka støðu til antin at byggja nýggjan Smyril ella gera tunnil til Suðuroynna.

Og Suðuroyartunnilin er ikki longri burturi enn at hann er komin í eitt uppskot um eykajáttanarlóg, sum løgtingið skal viðgera í dag.

Í viðmerkingunum um uppskotið stendur, at eftir ætlan verður farið undir Suðuroyartunnilin, tá Sandoyartunnilin er liðugur. Hann skal sambært verandi tíðarætlan vera liðugur í 2023 og verður góðar 26 kilometrar langur.

3,1 mia. kr. 

Landsverk nevnir árið 2030 í sínum uppriti um Suðuroyartunnil, tí tá skal nýggjur Smyril byggjast. Tunnilin er mettur at kosta 3,1 milliard.

Harafturat koma tunlar í Suðuroynni, úr Sandvík til Hvalba og dagførdur Hvalbiartunnil og vegir í Sandoynni og Suðuroynni fyri 440 mió. kr. 

Landsstýrismaðurin í samferðslumálum mælir til at brúka hálva millión av játtanina til vegagerð í ár til forkanningar í sambandi við Suðuroyartunnilin.

Nýggjastu sendingar í SV
Mánadag 19. juni
3-2
Sunnudag 18. juni
Andakt við Torleif Johannesen
Sunnudag 18. juni
Skam røð 4, partur 9
Mánadag 12. juni
3-2