Birna Brjánsdóttir: Týsdagin byrjar rættarmálið

16.07.2017 - 11:56
AktueltÚtheimurin
Birna Brjánsdóttir: Týsdagin byrjar rættarmálið
Birna Brjánsdóttir varð funnin í fjøruni við Selvogs-vita, sum er umleið 15 kilometrar vestan fyri Torlákshøfn
Mynd: © Savnsmynd  
 
 


Týsdagin byrjar revsimálið í rættinum í Reykjavík móti 30 ára gamla manninum, sum er ákærdur fyri at hava dripið 20 ára gomlu Birnu Brjánsdóttir
Eitt av prógvunum hjá løgregluni móti 30 ára gamla manninum er, at blóð, sum stavar frá Birnu Brjánsdóttir, varð funnið í bilinum, sum hann hevði leigað.

Ákærin sigur við blaðið, Sermitsiaq, at rættarmálið fer helst at vara millum tríggjar og fimm rættar-dagar.

Men eftir fyrsta rættarfundin væntar hon ikki, at nakar rættarfundur  verður aftur fyrr enn í august.

 

Noktar seg sekan

Ein tulkur verður, sum skal tulka tað, sum grønlendingurin sigur, tá hann avhoyrdur í rættinum.

30 ára gamli maðurin noktar seg framvegis sekan. Hann hevur áður í avhoyringum játtað, at hann koyrdi bilin, har blóð var funnið.

Nakrir av manningini á Polar Nanoq verða eisini avhoyrdir í rættinum. 

Birna Brjánsdóttir hvarv tíðliga leygarmorgunin, 13. januar. Eina góða viku seinni varð hon funnin deyð.
Ein tyrla fann líkið av henni í sjóvarmálannum nær Selvogsvita vestanfyri Thórlakshøfn, 50 kilometrar sunnanfyri Reykjavík.

Fáar dagar eftir at hon hvarv vórðu tveir av manningin á grønlendska trolaranum, Polar Nanoq, handtiknir. Annar var tó fríkendur fyri allar skuldsetingar og latin leysur aftur.

 

 

Nýggjastu sendingar í ÚV
Nýggjastu sendingar í SV
Mánadag 25. september
3-2
Mánadag 25. september
Andaktin
Sunnudag 24. september
Møti úr Bethel í Vági
Mánadag 18. september
3-2
Mánadag 18. september
Andaktin