Viðgera fiskidagarnar seinnapartin

11.08.2017 - 11:41
AktueltPolitikkur
Viðgera fiskidagarnar seinnapartin
Álitið skal leggjast fram á tingfundi mánadagin
Stór mótstøða, bæði politisk og vinnulig, er móti at áseta fiskidagar í bara fýra mánaðir
Mynd: Savnsmynd  
 
 

Vinnunevndin hjá løgtinginum hevur fund klokkan eitt um fiskidagarnar frá 1.september til 1.desember í ár.

Stór mótstøða, bæði politisk og vinnulig, er móti at áseta fiskidagar í bara fýra mánaðir.

Høgni Hoydal, landsstýrismaður, svarar, at tað ber ikki til at gera tað øðrvísi, tí lógin um vinnuligan fiskiskap, sum fiskidagar verða ásettir eftir, fer úr gildi á nýggjárinum.

Jørgen Niclasen, næstformaður í Vinnunevndini, segði við Útvarpið í gjár, at andstøðan í Vinnunevndina hevur boðið samgonguni at gera felags álit og skjóta upp, at fýra mánaðir verða broyttir til 12 mánaðir. 

Samgongan vil einki siga

Øll trý samgonguumboðini í Vinnunevndini, Bjarni Hammer, formaður, Bjørt Samuelsen og Magni Arge, vilja ikki siga enn, hvat tey fara at mæla til í álitinum hjá nevndini.

Tey siga, at tey arbeiða enn við málinum.

Álitið skal leggjast fram á tingfundinum mánadagin klokkan trý. 

Vinnunevndin hevur eisini fund fyri tingfundin mánadagin. Onnur viðgerð fær so verið mikudagin.

Og triðja viðgerð verður fríggjadagin 18.august, dagin sum løgtingið sambært lógini um vinnuligan fiskiskap skal hava avgreitt uppskotið um fiskidagar.

Nýggjastu sendingar í ÚV
Hósdag 18. januar
Morgunlestur hósdagur 18. januar 2018
75361
Mikudag 17. januar
Bolero 14. des 2018
76598
Mikudag 17. januar
Bolero 7. des 2018
76597
Mikudag 17. januar
Morgunlestur mikudagur 17. januar 2018
75360
Nýggjastu sendingar í SV
Mikudag 17. januar
25 minuttir: Vigdis Hjort
74880
Mánadag 15. januar
3-2
76515
Sunnudag 14. januar
Andakt við John Færø
76505
Sunnudag 14. januar
Guðstænasta úr Kvívíkar kirkju
76476
Fríggjadag 12. januar
Lyst 1
76430