Tað skal vera bíligari at ferðast við húsvogni

30.08.2017 - 15:20
AktueltPolitikkur
Tað skal vera bíligari at ferðast við húsvogni
Jógvan Skorheim, løgtingsmaður, hevur sett Henriki Old, landsstýrismanni, fyrispurning um ferðaseðlaprísir
 
 

Jógvan Skorheim í Sjálvstýrisflokkinum undrast á, at landsstýrismaðurin í samferðslumálum ætlar at lækka prísin fyri bussar við Smyrli, til tess at bøta um umstøðurnar hjá ferðavinnuni í Suðuroynni, og hví henda skipanin ikki eisini skal verða galdandi fyri ferðavinnuna aðrastaðni í landinum.

Jógvan Skorheim hevur tí sett Henriki Old, landsstýrismanni, ein grein 52 fyrispurning um málið.

Hann spyr, um ætlanin er at endurskoða ferðaseðlaprísin við Strandferðsluni fyri húsvognar og húsbilar.

Ferðing við húsvognum og húsbilum er nógv vaksin seinastu 10 árini. Sambært tølum hjá Akstovuni vóru 492 húsvognar og húsbilar skrásettir í 2015.

Eingin avsláttur

Jógvan Skorheim sigur, at sum støðan er, eru eingir møguleikar at fáa avsláttur við ferjum hjá strandferðsluni. Í Vágatunlinum og Norðoyatunlinum verður bara goldið fyri bilin, men ikki húsvognin.

Er endamálið at lækka prísin bara fyri bussar, sum verða fluttir við Smyrli, fyri at menna ferðavinnuna, hevði verið skilagott eisini at hugsað um húsvognar og húsbilar. 

Og ein slík skipan eigur eisini at fevna um Sandoyar-, Kalsoyar- og Nólsoyarleiðina, sigur Jógvan Skorheim í viðmerkingunum til uppskotið.

Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333