Norðurkorea hevur aftur royndarskotið rakett

15.09.2017 - 06:39
AktueltÚtheimurin
Norðurkorea hevur aftur royndarskotið rakett
Rakettin fór yvir japansku oynni Hokkaido, og ST-trygdarráðið er kallað saman at viðgera støðuna
Norðurkoreanski leiðarin, Kim Jong-un, hevur aftur skotið eina rakett yvir Japan
 

ST-trygdarráðið er kallað saman til snarfundar í dag at viðgera støðuna, eftir at Norðurkorea aftur í gjár royndarskeyt eina rakett yvir Japan.

USA og Japan hava biðið um fundin í ST-trygdarráðnum.

Sambært japanskum og suðurkoreanskum myndugleikum varð rakettin skotin úr Sunan-landspartinum í Norðurkorea, har høvuðsstaðurin Pyongyang er.

Rakettin fór yvir oynni Hokkaido, og datt niður í havið, umleið 1.000 fjórðingar sunnan fyri Hokkaido.

Bæði Japan og Suðurkorea fordøma norðurkoreansku rakettskjótingina, og suðurkoreanski forsetin hevur kallað saman til snarfund í landsins trygdarráði.

Russland og Kina eiga at leggja uppí

Amerikanski uttanríkisráðharrim Rex Tillerson, sigur, at bæði Russland og Kina eiga at gera vart við seg, nú Norðurkorea aftur hevur skotið eina rakett.

- Kina letur meginpartin av oljuni, sum Norðurkorea brúkar, og Russland er tað landið, har flestu norðurkoreanarar arbeiða, sigur hann.

ST-trygdarráðið samtykti fyrr í vikuni at seta fleiri tiltøk í verk móti Norðurkorea, eftir at landið royndarskeyt eina rakett 3. september.

Norðurkorea sleppur ikki at innflyta so nógva olju, og fullkomið bann er sett fyri at innflyta klædnavørur úr Norðurkorea.

ST-samtyktin heitir eisini á øll lond um at seta forboð fyri at nýta norðurkoreanska arbeiðsmegi. 

 

Sí eisini

Nýggjastu sendingar í ÚV
Leygardag 19. september
Morgunlestur leygardagur 19. september 2020
113244
Fríggjadag 18. september
Nón 18. september 2020
113633
Fríggjadag 18. september
UFO Kjallarin og UFO Renaissance'an - 9
113579
Fríggjadag 18. september
Skriðulopið í Klaksvík
113616
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186